ზუგდიდის მუნიციპალიტეტის მერიისთვის ფაროსანასთან ბრძოლისთვის გადაცემული სპეციალური ტექნიკის ნაწილი, რომელიც საწყობში ინახებოდა, გაქურდეს. სურსათის ეროვნული სააგენტოს უფროსის მოადგილის, ზურაბ ლიპარტიას ინფორმაციით, 5 მანქანიდან აკუმულატორები ამოიღეს.
„თერმო ნისლის მანქანებიდან ამოღებულია აკუმულატორები, თუმცა ტექნიკა უკვე მწყობრშია, რომ დაგეგმილი ღონისძიებები განხორციელდეს. ასევე, თუ საჭირო გახდა, დამატებითაც გადაეცემა მუნიციპალიტეტს შესაბამისი ტექნიკა“, – აღნიშნა ლიპარტიამ.
სპეციალური ტექნიკა საწყობში იყო განთავსებული.
შს სამინისტრომ მომხდარზე გამოძიება სისხლის სამართლის კოდექსის 177-ე, ქურდობის მუხლით დაიწყო.ზუგდიდის მუნიციპალიტეტს 10 ერთეული სპეციალური ტექნიკა გუშინ გადაეცა, აქედან 5 თერმული ნისლის, 3 ცივი ნისლის დანადგარი და 2 ტრაქტორი მასივების შესაწამლად.