“მინდა ვთქვა, რომ ასეთი ცნება – კლუბური და რეკრეაციული ნარკოტიკი არ არსებობს”

ცალსახად მინდა ვთქვა, რომ ასეთი ცნება – კლუბური და რეკრეაციული ნარკოტიკი არ არსებობს, – ამის შესახებ შრომის, ჯანმრთელობისა და სოციალური დაცვის მინისტრმა დავით სერგეენკომ ბოლო დღეებში ნარკოტიკული საშუალების ინტოქსიკაციის შედეგად გარდაცვალების ფაქტებთან დაკავშირებით განაცხადა.
მისივე თქმით, ორივე ნარკოტიკისადმი მიდგომა უნდა იყოს ერთნაირი, რაც ზიანის შემცირებას გულისხმობს.
“ძალიან რთულია ახალგარდაცვლილ ადამიანებთან მიმართებით ვისაუბროთ იმაზე, თუ რამ გამოიწვია ეს და როგორ შეიძლებოდა თავიდან აცილება. ზოგადად ცალსახად მინდა ვთქვა, რომ ასეთი ცნება – კლუბური და რეკრეაციული ნარკოტიკი არ არსებობს. არანაირი მკაფიო მეცნიერული ზღვარი მათ შორის არ არსებობს. ორივესადმი მიდგომა არის ერთნაირი – ზიანის მაქსიმალურად შემცირება და სწრაფი სამედიცინო დახმარების აღმოჩენა”, – განაცხადა დავით სერგეენკომ.