კლუბ BASSIANI-ს ერთ-ერთ დამფუძნებელი და “თეთრი ხმაურის მოძრაობის” წევრი ნაჯა ორაშვილი Facebook-ზე გრიგოლ ვაშაძის მიერ დღეს გაკეთებულ წინასაარჩევნო დაპირებას გამოემხაურა. საუბარია ვაშაძის დაპირებაზე, რომ საპრეზიდენტო არჩევნებში გამარჯვების შემთხვევაში ის მსუბუქი ნარკოტიკების გამო ბრალდებულ პატიმრებზე ამნისტიას გამოაცხადებს.
ნაჯა ორაშვილის თქმით, “ნარკოფაშიზმის შემოქმედებმა, ნარკოფაშიზმის გამგრძელებლებს შეუთვალეს, ნარკოპოლიტიკის ცვლილებას ჩვენ მოვახდენთო”.
“ნარკოფაშიზმის შემოქმედებმა, ნარკოფაშიზმის გამგრძელებლებს შეუთვალეს, ნარკოპოლიტიკის ცვლილებას ჩვენ მოვახდენთო, ციხის კარებს გავხსნითო, ხალხი ბნელია არ ემახსოვრებათ 2006 წელი და ჩვენი დაწყებული ნულოვანი პოლიტიკაო. გამგრძელებლმა, მერე რა რომ 2012 წლიდან გპირდებით ცვლილებას, ჯობია კანონი უკან გამოვითხოვოთ, ჯერ ხალხი მზად არაა ზრუნვის და ჰუმანური ნარკოპოლიტიკისთვისო. ხალხი ბნელიაო ამათმაც. და ამათ. ვუხდით სიცოცლის ბილომდე ხელფასს”, – წერს ნაჯა ორაშვილი.