საქართველოს რკინიგზა გადამზიდავების ნაწილს ცილისწამებაში ადანაშაულებს და დეტალების გარკვევას სასამართლოში სთავაზობს, მანამდე კი ოფიციალურ განცხადებას აქვეყნებს.
საქართველოს რკინიგზის ცნობით, 20 ოქტომბრიდან მედიაში კერძო და დაინტერესებული პირების განცხადებები გავრცელდა, რომელიც რკინიგზის მიერ სომხეთის მიმართულებით კონკრეტული ტვირთების გადაზიდვების შეზღუდვებისა და შეფერხებებას შეეხებოდა. უწყება აცხადებს, რომ საქართველოს რკინიგზამ ამომწურავი და დოკუმენტურად დადასტურებული პასუხი გაავრცელა. თუმცა მიუხედავად გავრცელებული განცხადებისა დაინტერესებული პირების მხრიდან კვლავ მიზანმიმართულად გრძელდება ცრუ ინფორმაციის გავრცელება.
საქართველოს რკინიგზამ გადაწყვიტა, რომ მათი საწინააღმდეგო არგუმენტები წარადგინოს. როგორც რკინიგზის განცხადებაში წერია:
· შპს „დავითი და კომპანია“ კიდევ ერთხელ ტყუის, როდესაც სომხეთის მხარეს, საკუთარ კონტრაქტორად ასახელებს კომპანია „მაქს ოილს“. შპს „მაქს ოილმა“ წერილობით მიმართა სს ,,საქართველოს რკინიგზას” და უარყო კავშირი შპს „დავითი და კომპანიასთან“ (იხილეთ დოკუმენტი). https://goo.gl/PuFxWZ
· მიუხედავად მრავალჯერ შეცვლილი ეგრედწოდებული „პარტნიორების“ სიისა, შპს „დავითი და კომპანიის“ მიერ დასახელებულმა ყველა კომპანიამ წერილობით მიმართა სს ,,საქართველოს რკინიგზას” და ყველა მათგანმა უარყო კავშირი „დავითი და კომპანიასთან.“ (იხილეთ დოკუმენტები); https://goo.gl/N8DFmM
· კვლავ საზოგადოების შეცდომაში შეყვანას ისახავს მიზნად მითითება იმაზე, რომ სარკინიგზო გადაზიდვებით სარგებელს ოფშორული კომპანიები ნახულობენ. კიდევ ერთხელ განვმარტავთ, რომ გადაზიდვის ოპერაციებს ასრულებს საქართველოს რკინიგზა და/ან მისი 100%-იანი შვილობილი კომპანიები და ორივე შემთხვევაში შემოსავლები გენერირდება სახელმწიფო ბიუჯეტში (იხილეთ დოკუმენტი). https://goo.gl/VT27Mi
· კიდევ ერთხელ დადასტურდა, რომ ტყუილია თითქოს ბათუმის ნავთობ ტერმინალებში განთავსებულია შპს „ქროსლაინ ლოგისტიკის“ ტვირთი და კომპანიას აღნიშნული ტვირთის შენახვისათვის ერიცხება საურავები. შპს „ქროსლაინ ლოგისტიკის“ დირექტორის განცხადებით კომპანია ზარალს განიცდის ტვირთის არაჰეჯირებული ფასის გამო და არ აქვს გადასახდელი ტერმინალის მომსახურების ღირებულება. თუმცა გაურკვეველია როგორ უნდა მომხდარიყო ფასის ჰეჯირება ტვირთზე, რომელიც არ ეკუთვნის აღნიშნულ კომპანიას.
გადამზიდავები კი ამბობენ, რომ სახელმწიფო კონკრეტულ კომპანიებს მფარველობს და არ სურს ბაზარზე სხვა მოთამაშეების დაშვება. კერძოდ, ნავთობპროდუქტების გადაზიდვის უფლება მხოლოდ „როსნეფტის“ შვილობილ „პეტროკასს“ და ლუკოულსაქვთ.