სახალხო მოძრაობა „არა ნაციზმს“ ხვალ, რუსთაველის გამზირზე მშვიდობიან მსვლელობას “გვახსოვს 7 ნოემბერი” გამართავს.
მსვლელობა 16:00 საათზე დაიწყება სახალხო მოძრაობის დამფუძნებლები შვილმოკლული მშობლები, მიხეილ სააკაშვილის რეჟიმის დროს დაზარალებული ადამიანები და ახალგაზრდები არიან, რომლებიც ნაციზმის რეანიმაციას ეწინააღმდეგებიან.
მსვლელობის ორგანიზატორები მოსახლეობას არჩევნების მეორე ტურზე გააქტიურებისკენ მოუწოდებენ.
ამასთან, ორგანიზაციის „არა ძალადობას!“ დამფუძნებლები, უფლებადამცველი ნანა კაკაბაძე და 2004 წელს, პატრულის მიერ, დიდუბის ეკლესიის წინ მოკლული ბუტა რობაქიძის დედა, ია მეტრეველი მიმართავენ საზოგადოების იმ ნაწილს, ვინც მონაწილეობდა 7 ნოემბრის აქციაში, ან უთანაგრძნობს მოძრაობას ნაციზმის სწინააღმდეგ მშვიდობიან ბრძოლაში.
“მივიდეს ხვალ ოპერასთან, რათა ერთად ვუთხრათ უარი უსამართლობას, ახალგაზრდების მასიურ მკვლელობებს, უკანონო პატიმრობას, ადამიანების წამებას, ელიტარულ კორუფციას, ცილისწამებას და ქონების დატაცებას,-წერია ორგანიზატორთა მიერ გავრცელებულ განცხადებაში.
ხვალ, რუსთაველის გამზირზე “გვახსოვს 7 ნოემბერი” გაიმართება
2018/11/06 23:58:15
კომენტარები
ნანახია: 1685 ჯერ