ზაზა სარალიძეს და მალხაზ მაჩალიკაშვილს განვუმარტეთ, რომ შეუძლებელი იქნება ამ კონკრეტული ადგილის გამოყენება, რადგან დედაქალაქის მერია საახალწლო ღონისძიებებისთვის ემზადება, – ამის შესახებ ჟურნალისტებს დედაქალაქის მერმა, კახა კალაძემ განუცხადა.
კალაძის განცხადებით, სარალიძეს და მაჩალიკაშვილს აქვთ შესაძლებლობა ნახონ ქალაქში სხვა ადგილი, სადაც არ იქნება საახალწლო ღონისძიებები.
„დედაქალაქის მერიას დაწყებული აქვს მზადება საახალწლო ღონისძიებებისთვის. პარლამენტის წინ არსებული ტერიტორია არის ცენტრალური ადგილი, სადაც იდგმება მთავარი საახალწლო ნაძვის ხე, ეს მე არ მომიფიქრებია და ეს არის ტრადიცია, რომელიც წლების განმავლობაში გრძელდება. მათ კანონის შესაბამისად მომართეს მერიას და ჰქონდათ სურვილი, რომ დეკემბრის ბოლომდე გაეგრძელებინათ თავიანთი აქცია თუ თავისუფლების გამოხატვის შესაძლებლობა. ჩვენც კანონის თანახმად, მათ განვუმარტეთ, რომ შეუძლებელი იქნება ამ კონკრეტული ადგილის გამოყენება, რადგან დედაქალაქის მერია ემზადება საახალწლო ღონისძიებებისთვის და მათ აქვთ შესაძლებლობა ქალაქში სხვა ადგილი ნახონ, სადაც არა იქნება საახალწლო ღონისძიებები, რომ ხელის შეშლა არ მოხდეს ერთმანეთისთვის. მათ მიეცემათ ამის უფლება, არანაირი პრობლემა არ არსებობს”, – განაცხადა კახა კალაძემ.
კახა კალაძე – მათ აქვთ შესაძლებლობა ქალაქში სხვა ადგილი ნახონ, სადაც არ იქნება საახალწლო ღონისძიებები
2018/11/09 17:08:02
ნანახია: 765 ჯერ