ფინანსთა მინისტრი ივანე მაჭავარიანი მიიჩნევს, რომ 400-ლარიანი პენსიის დაპირება დემაგოგიაა.
ივანე მაჭავარიანი “ნაციონალური მოძრაობის” წევრების განცხადებებს ეხმაურება და აღნიშნავს, რომ რომან გოცირიძეს ეკონომისტის ბუნება მცირედით მაინც შერჩენია და უკან დაიხია, დაპირება იმდენად აბსურდული იყო.
„მხოლოდ საქართველოში შეიძლება, რომ 400-ლარიან პენსიაზე საუბარი დემაგოგიად არ ჩაითვალოს, სამაგიეროდ, დემაგოგიად იმის თქმა ჩაითვლება, რომ ეს არის სიგიჟე, ხალხის მოტყუება და უპასუხისმგებლობა”, – განაცხადა მაჭავარიანმა.
რომან გოცირიძის განცხადებით, პენსიის ზრდა 2021 წელს დაიწყება და 400-ლარამდე მომატება 2023 წლისთვის მოხერხდება.
კომენტარები