სპორტული ჟურნალისტი მაგდა კლდიაშვილი სოციალურ ქსელში პოსტს აქვეყნებს.
“ადრეც ბევრჯერ დავწერე და კიდევ უნდა დავწერო და მოვყვე მთელი ის ისტორია, რაც ვიცი, ვნახე და მოვისმინე.
11 იანვარს, სპორტის სასახლეში მომხდარი დაპირისპირება ჩემთვის ორ ნაწილიანია – პირველი – ზურა დათუნაშვილის საქციელი იყო ჩემთვის არასპორტული. წინა დღიდან მოყოლებული ვწერდი, რომ წონა არ უნდა შეეცვალა.
ყველამ კარგად ვიცით, რომ ბოლო წამებზე, პასიურობაზე ქულას არავინ აძლევს მოჭიდავეს, თუ ის არ გარბის.
ისიც ყველამ კარგად ვნახეთ, რომ ზურას დაწყნარება ბევრმა სცადა, კობლიმაც, ლადო გეგეშიძემაც, ყველამ, მაგრამ არ დაწყნარდა. მისი ძმაც ვნახეთ ხალიჩაზე შემოვარდნილი და ვერ გაყვანილი.
ის ვიდეო, რომელიც მე ვნახე და არა ის, რომელიც გავრცელდა – იქ ჩანს, რომ გეგეშიძე ურტყამს დათუნაშვილს ორჯერ და ამის შემდეგ, დათუნაშვილის ძმა, ტყუპი წიხლით მიდის გეგეშიძეზე და ისიც ურტყამს.
რა თქმა უნდა, ძალადობა, ყველანაირი ფორმით არის მიუღებელი და ვერაფრით ვერ გავამართლებ მომხდარს, როცა პოლიციის ოფიცერი და ფედერაციის პრეზიდენტი ხარ, თმენის უდიდესი ვალდებულება უნდა გქონდეს. ფიზიკურ ძალადობას ჰქონდა ადგილი და კანონის შესაბამისად აგებს პასუხს, თუმცა არის რამდენიმე დეტალი, რომელიც საინტერესოა, ერთი მათგანი გუშინ გავიგე:
11 იანვარს მომხდარის შემდეგ, გეგეშიძეს 5 ნაკერი ნაკრების ექიმებმა დაადეს.
გეგა გეგეშიძის მხრიდან დათუნაშვილზე ძალადობის მიზეზი გახდა გინება.
გეგა გეგეშიძე აქეთაც ცემა დათუნაშვილის ძმამ.
ზურა დათუნაშვილი როდესაც დაჭრეს ორი წლის წინ, პირველი, ვისაც დახმარება სთხოვა, იყვნენ გეგეშიძეები.
აი, ეს არის ამბავი,
გუშინწინ, როდესაც მოჭიდავეები სამმართველოსთან შეიკრიბნენ, ბევრი მათგანი ჩემმა კითხვებმა გააღიზიანა. მე მათთან ვმეგობრობ და ვგულშემატკივრობ და ალბათ, ემოციურად უფრო რთულია მათთვის და უფრო ჩემთვის, რადგან როდესაც შენს მეგობარს მისთვის არასასიამოვნო კითხვას უსვამ, ეს ჟურნალისტისთვის უფრო რთულია, მაგრამ ყველა ჩვენს პროფესიას და ეთიკას ვცემთ პატივს.
ჩემთვის, ამ ამბავში მართალი არავინ არ არის. დათუნაშვილის პროვოცირებულია მთელი ის ამბავი, რაც სპორტის სასახლეში მოხდა.
კიდევ ერთხელ ვიმეორებ, პრეზიდენტს აქვს თმენის ვალდებულება და მის მიერ ჩადენილ ქმედებას არ აქვს არანაირი გამართლება!
მაგრამ! მაგრამ! – კაცს, რომელსაც პირველს ურეკავ საშველად, დედა მაინც არ უნდა აგინო!
ესაა სიმართლე!
სპორტსმენების ჩართულობა ამ პროცესებში იყო დიდი უგუნურება. არ შეიძლება ისინი დააპირისპირო ერთმანეთს
პ.ს. ლადო გეგეშიძის ზონდერობის არ ვიცი, კორცხელის კადრები მეც მინახავს, მაგრამ, ორი წელია ტურნირებზე დავდივარ და ერთადერთი მწვრთნელია ორივე გუნდში, რომელსაც ბიჭების მოტივირება შეუძლია და იცის კარნახი ჭიდაობის დროს.
————————-
ყველამ თავის ნამოქმედარზე უნდა აგოს პასუხი!” – წერს ჟურნალისტი.