თბილისში, „რედისონ ბლუ ივერიასთან“ საპროტესტო აქცია მიმდინარეობს. აქციის მონაწილეები ითხოვენ იუსტიციის უმაღლესი საბჭოს წევრების გადადგომასა და სასამართლო სისტემის გათავისუფლებას. აქციის მონაწილეთა განცხადებით, მნიშვნელოვანია თანამდებობები დატოვონ სასამართლოში არსებული „კლანის“ ლიდერებმა და განხორციელდეს სასამართლოს რეფორმა.
“რედისონში” პარალელურად საქართველოს პარლამენტის თავმჯდომარის, ირაკლი კობახიძის ხელმძღვანელობით იმართება სამუშაო ჯგუფის შეხვედრა, რომელშიც მონაწილეობენ საპარლამენტო უმრავლესობის, იურიდიულ საკითხთა კომიტეტისა და იუსტიციის უმაღლესი საბჭოს წევრები. შეხვედრაზე უზენაესი სასამართლოს მოსამართლეობის კანდიდატების დასახელების პროცედურასა და კრიტერიუმებზე მსჯელობენ.
კომენტარები