რუსთავში ბუნებრივი აირის ნამწვით ორი ადამიანი მოიწამლა, მათ შორის მცირეწლოვანი.
შემთხვევა წუხელ, გვიან ღამით მოხდა. ადგილზე მობილიზებული იყო საპატრულო პოლიცია, სასწრაფო დახმარების ბრიგადები და ,,სოკარ-ჯორჯია გაზის” ტექნიკური ჯგუფი. 6 წლის ბავშვი ქალაქის ბავშვთა საავადმყოფოში მოათავსეს, დედა კი სასწრაფო სამედიცინო დახმარების ბრიგადამ რუსთავის ცენტრალურ საავადმყოფოში გადაიყვანა. დედა-შვილს პირველადი დახმარება გაეწიათ, რის შემდეგაც სახლში გაწერეს.
გვიან ღამით ინტოქსიკაციის მეორე შემთხვევაც დაფიქსირდა. სამი მამაკაცი მოიწამლა Co-თი. ისინი სასწრაფო სამედიცინო დახმარების ბრიგადებმა კლინიკა “რუსთავში” გადაიყვანეს. სამივე მათგანი საავადმყოფოდან დღეს, დილით გაწერეს.
კომენტარები