საგარეო საქმეთა სამინისტრო საქართველოს მოქალაქეებს მოუწოდებს ლიბიაში გამგზავრებისგან თავი შეიკავონ.
„ლიბიაში უსაფრთხოების კუთხით შექმნილი რთული მდგომარეობის გამო, საქართველოს საგარეო საქმეთა სამინისტრო მოუწოდებს საქართველოს მოქალაქეებს, თავი შეიკავონ ლიბიაში გამგზავრებისა და მის ტერიტორიაზე გადაადგილებისაგან, როგორც სახმელეთო, ასევე საჰაერო და საზღვაო გზით, ვინაიდან ადგილზე შექმნილი ვითარების გათვალისწინებით, საქართველოს საგარეო საქმეთა სამინისტრო მოკლებულია შესაძლებლობას, ქმედითი დახმარება გაუწიოს საქართველოს მოქალაქეებს ლიბიის ტერიტორიაზე“, – ნათქვამია განცხადებაში.