„ამ ყოვლად ამაზრზენი მეთოდებით ბრძოლა ადამიანების წინააღმდეგ, სამუდამოდ უნდა აიკრძალოს და გახდეს შეუძლებელი“, – ამ სიტყვებით ეხმაურება საფრანგეთში მყოფი საპარლამენტო უმრავლესობის წევრი, ზვიად კვაჭანტირაძე სოციალურ ქსელში, დეპუტატ ეკა ბესელიას პირადი ცხოვრების ამსახველი ვიდეომასალის შესაძლო გავრცელების საკითხს.
ზვიად კვაჭანტირაძე სხვა კოლეგების მოთხოვნას იზიარებს და სამართალდამცველებს მოუწოდებს, დროულად გამოავლინონ დამნაშავე პირი, რომელმაც სოციალურ ქსელში აღნიშნული ვიდეოკადრები გაავრცელა.
„არ ვიცი, ვინაა ამ ბოროტების ჩამდენი, მაგრამ სრულიად ვუერთდები კატეგორიულ მოთხოვნას გამოძიების სასწრაფოდ ჩატარებისა და კონკრეტული დამნაშავის დადგენის თაობაზე.
ამ ყოვლად ამაზრზენი მეთოდებით ბრძოლა ადამიანების წინააღმდეგ, სამუდამოდ უნდა აიკრძალოს და გახდეს შეუძლებელი.
ასე რომ, სასწრაფოდ, კონკრეტული დამნაშავის დადგენა და მისი პასუხისგებაში მიცემა უნდა მოხდეს. თუ ასე არ მოხდება, აი, მაშინ, მართლა გაფრთხილდით!!! პირადი ცხოვრების ფარული გადაღება, გავრცელება, შანტაჟი დანაშაულია, ყველამ ვიცით, მაგრამ სხვისი პირადი ცხოვრებით დაინტერესებაც, ჭუჭრუტანაში ჭვრიტინი, არასრულფასოვანი ადამიანების ავადმყოფური თვისებაა. იმ ადამიანების, ვინც საკუთარ ინტიმურ პრობლემებს ვერ უმკლავდებიან და ამიტომ, სხვისი შურთ და ბოღმისგან სკდებიან. ასეა, ასე!!!!
მოკლედ, ჯერ გამოძიების შედეგები სასწრაფოდ და დანარჩენზე მერე ვილაპარაკოთ!!!“, – წერს სოციალურ ქსელში ზვიად კვაჭანტირაძე.
“სხვისი პირადი ცხოვრებით დაინტერესება, ჭუჭრუტანაში ჭვრიტინი, არასრულფასოვანი ადამიანების ავადმყოფური თვისებაა”
2019/01/29 17:23:32
კომენტარები
ნანახია: 535 ჯერ