შინაგან საქმეთა სამინისტროს სტატისტიკური მონაცემების თანახმად, 2018 წელს ჩადენილი 3071 სატრანსპორტო დანაშაულიდან 329 დაზარალებულის გარდაცვალებით დასრულდა. სტატისტიკური მონაცემებით, 2017 წელს სულ 2626 სატრანსპორტო დანაშაული დაფიქსირდა და მათგან 322 დაზარალებულის სიკვდილით დასრულდა.
ამას გარდა, 2018 წელს ყალბი დოკუმენტების დამზადების 1780 რეგისტრირებული შემთხვევა დაფიქსირდა და მათგან გაიხსნა 686, ხოლო 2017 წელს აღნიშნული მაჩვენებელი 1438-ს შეადგენდა, ხოლო გახსნის მაჩვენებელი 863-ს.
ასევე, სტატისტიკური მონაცემების თანახმად, 2018 წელს თაღლითობასთან დაკავშირებული დანაშაულის 2032 რეგისტრირებული შემთხვევა დაფიქსირდა, ხოლო 2017 წელს – 1565.
2018 წელს გამოძალვის 121 შემთხვევა დაფიქსირდა, ხოლო 2017 წელს – 93. 2018 წელს ცივი იარაღის ტარების 378 რეგისტრირებული შემთხვევა გამოვლინდა, ხოლო 2017 წელს – 325.