“ცხოვრებაში არ ვყოფილვარ „ნაცმოძრაობის” წევრი”

„არ ვთვლი, რომ „ნაციონალური მოძრაობიდან” პორტირებული ვარ,”- ამის შესახებ საპარლამენტო უმრავლესობის წევრმა ვანო ზარდიაშვილმა ჟურნალისტებს განუცხადა. ზარდიაშვილის განმარტებით, წინა ხელისუფლების დროს ყველაზე მაღალი თანამდებობა, რაც მას ეკავა, ეს იყო განყოფილების უფროსი.

„არასდროს არ ვყოფილვარ „ნაციონალური მოძრაობის” წევრი. მაქსიმუმი, რა თანამდებობაც მეკავა წინა ხელისუფლების დროს, ეს იყო განყოფილების უფროსი. ჩვენს გუნდშიც ნახავთ უფრო დიდი დანამდებობის პირებს, რომლებიც „ნაციონალური მოძრაობის“ დროს მუშაობდნენ. შესაბამისად, რაიმე ფორმით დაკავშირება 7 წლის წინანდელ ისტორიასთან, ეს პოლიტიკური ოპონენტების დღის წესრიგია“, – განაცხადა ზარდიაშვილმა.