მზად ვართ, კიდევ ერთხელ მივიდეთ შესაბამის საპარლამენტო კომიტეტში, რათა ჩვენი პოზიცია საჯარო ტრიბუნიდან დავაფიქსიროთ, – ამის შესახებ „თიბისი ბანკის“ დამფუძნებელმა მამუკა ხაზარაძემ „ფეისბუქის“ ოფიციალურ გვერდზე დაწერა.
როგორც მამუკა ხაზარაძე წერს, უმაღლესი საკანონმდებლო ორგანოდან კონკრეტულ შეთავაზებას უახლოეს დღეებში ელოდება.
„როგორც თქვენთვის ცნობილია, დღეს პარლამენტის დარგობრივი ეკონომიკის კომიტეტის სხდომა არ შედგა და არ მომეცა საშუალება, გამოვსულიყავი და მეთქვა ჩემი სათქმელი. ჩვენ მზად ვართ, შესაბამის საპარლამენტო კომიტეტში კიდევ ერთხელ მივიდეთ, რათა დავაფიქსიროთ ჩვენი პოზიცია საჯარო ტრიბუნიდან, რადგან ეს ცდება ერთი და ორი ადამიანისა თუ ინსტიტუტის საკითხს და ეხება მთლიანად ქვეყანას. ამასთან, ძალიან მაღალია საზოგადოების ინტერესი და ველოდებით კონკრეტულ შემოთავაზებას უმაღლესი საკანონმდებლო ორგანოსგან უახლოეს დღეებში. იმედია, მალე გაირკვევა სიმართლე და არ შეიქმნება ვითარება შემდგომი გაუგებრობისა და სპეკულაციებისთვის“, – წერს მამუკა ხაზარაძე „ფეისბუქზე“.