საქართველო დგას ვენესუელელთა გვერდით ამ მძიმე გაჭირვების პერიოდში, – ამის შესახებ საქართველოს პრემიერ-მინისტრი მამუკა ბახტაძე სოციალურ ქსელ „ტვიტერში“ წერს.
როგორც პრემიერი აღნიშნავს, ვენესუელა მძიმე ჰუმანიტარულ კრიზისშია და მიუღებელია სამხედრო ძალის გამოყენება ხალხის წინააღმდეგ ჰუმანიტარული დახმარების მიღების მცდელობისას.
„ვენესუელა იმყოფება საშინელ ქაოსში და ყველაზე მძიმე ჰუმანიტარულ კრიზისში. სრულიად მიუღებელია სამხედრო ძალის გამოყენება ხალხის წინააღმდეგ ჰუმანიტარული დახმარების მიღების მცდელობის დროს. ხალხს მიეცეს წვდომა ჰუმანიტარულ დახმარებაზე და შეწყდეს ძალადობა ქვეყნის რიგით მოქალაქეებზე. საქართველო დგას ვენესუელელთა გვერდით ამ მძიმე გაჭირვების პერიოდში“, – აცხადებს საქართველოს პრემიერ-მინისტრი მამუკა ბახტაძე „ტვიტერის“ გვერდზე.
კომენტარები