საქართველოს პრეზიდენტის ადმინისტრაცია მსოფლიო მასშტაბის გარემოსდაცვითი კამპანიას – „დედამიწის საათი” უერთდება. აქციის ფარგლებში, დღეს პრეზიდენტის სასახლის განათება ერთი საათით – 20:30 საათიდან 21:30 საათამდე გამოირთვება. აღნიშნულ ინფორმაციას პრეზიდენტის პრესსამსახური ავრცელებს.
„დედამიწის საათი” პლანეტის დასაცავი ყოველწლიური ღონისძიებაა, რომელიც მარტის თვის ბოლო შაბათს ტარდება. ამ დღეს მილიონობით ადამიანი ერთი საათით უარს ამბობს ელექტროენერგიის გამოყენებაზე. ღონისძიების მთავარი მიზანი კლიმატის ცვლილების შესახებ ინფორმაციის მიწოდება, საზოგადოების გარემოსდაცვითი ცნობიერების ამაღლება, პასუხისმგებლობის გაზრდა, საკუთარი ქცევის შეფასება და გარემოს სასარგებლოდ შეცვლაა.
კომენტარები