„ჩვენ ვერ ვხედავთ წინაპირობას იმისთვის, რომ საქართველოში პური გაძვირდეს“, – ამის შესახებ მთავრობის სხდომის დასრულების შემდეგ საქართველოს ეკონომიკისა და მდგრადი განვითარების მინისტრის მოადგილემ, ნათია თურნავამ პურის ფასის შესაძლო გაძვირებასთან დაკავშირებით განაცხადა.
თურნავა მიიჩნევს, რომ ეს საკითხი უწყების მიერ განსაკუთრებული ყურადღების ქვეშ უნდა იყოს მოქცეული.
„უფრო მეტიც, ჩვენ ვიცით, რომ ეს არის სენსიტიური ჯგუფი, რომელიც, პირველ ყოვლისა, ჩვენი განსაკუთრებული ყურადღების ქვეშ უნდა იყოს. თუკი რამე პრობლემა დაიბადა, მზად ვართ მათთან საკონსულტაციოდ. გარდა ამისა, ვქმნით კონკურენტულ ელექტროენერგიის ბაზარს, კონკურენტულ გაზის ბაზარს, რაც, ასევე, მისცემთ საშუალებას, რომ, პირიქით, შეამცირონ თავისი დანახარჯები და კვლავ შეინარჩუნონ მიმზიდველი ფასები“, – განაცხადა ნათია თურნავამ ჟურნალისტებთან საუბრისას.
ნათია თურნავა: ვერ ვხედავთ წინაპირობას, რომ საქართველოში პური გაძვირდეს
2019/04/04 20:20:20
ნანახია: 555 ჯერ