ხობის რაიონის სოფელ ძველ ხიბულაში დაწყებულია იმ სახლის სარეაბილიტაციო სამუშაოები, სადაც ზვიად გამსახურდია გაურკვეველ ვითარებაში დაიღუპა.
არქიტექტორ-რესტავრატორი რევაზ შაშვიაშვილი, რომელიც ნაგებობის ადგენისა და სრული რეაბილიტაციისა და ეზოს კეთილმოწყობის კონცეფციის ავტორია, ამბობს, რომ სახლი ზუსტად იმ სახით უნდა რეკონსტრუირდეს, როგორც ამ პერიოდში იყო.
„ორივე სართულს გავაკეთებთ ისე, როგორც მაშინ იყო, ავეჯსაც ისევე დავალაგებთ. რაც შეეხება ეზოს, ისე მოეწყობა, რომ ტურსტების მისაღებად იყოს მზად. ძირითადად, დავეყრდენით საარქივო მასალებს. ძველ ფოტოებს, ვინც იმ სახლში მცხოვრებლების გადაღებულია. მეზობლებიც მოგვიყვნენ, მაგალითად, სად რა ტიხარი იყო და ასე შემდეგ“, – აღნიშნა პროექტის ავტორმა.
სახლს კულტურული მემკვიდრეობის ძეგლის სტატუსი 2018 წლის აგვისტოში მიენიჭა. კულტურული მემკვიდრეობის დაცვის სააგენტოს ინფორმაციით, აქ მუზეუმი უნდა მოეწყოს, რომელიც ქვეყნის ისტორიის ტრაგიკული ნაწილის ამსახველი გახდება.
სახლის რეაბილიტაციისთვის თანხა ფონდმა „ქართუმ“ გამოყო.