რატომ უხდის “დირსი” შსს-ს მადლობას?

„დირსის“ საცხოვრებელი კომპლექსიდან დევნილების გამოსვლის შემდეგ, კომპანია განცხადებას ავრცელებს და შინაგან საქმეთა სამინისტროს, კერძოდ – საპატრულო პოლიციას, ძალოვან უწყებებსა და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალურად დაცვის სამინისტროს მადლობას უხდის.
“მოხარულნი ვართ, რომ ის უსიამოვნო ინციდენტი, რომლის მომსწრეც საზოგადოება რამდენიმე დღის განმავლობაში იყო, მშვიდობიანად დასრულდა, რისთვისაც მადლობა გვინდა, გადავუხადოთ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალურად დაცვის სამინისტროს, საქართველოს საპატრულო პოლიციას, ძალოვან უწყებებს. მათთან კოორდინირებული მუშაობისა და შუამდგომლობის შედეგად მოხდა პრობლემის სრულად აღმოფხვრა, რის შედეგადაც დევნილებმა დატოვეს უკანონოდ დაკავებული ჩვენი კუთვნილი კომპლექსი”, – აღნიშნულია “დირსის” მიერ გავრცელებულ განცხადებაში.