დავით ბაგრატიონის დედა ჯერ კიდევ მაშინ ავადმყოფობდა, როცა ანა და დავითი ერთად ცხოვრობდნენ, თუმცა მაშინ არ გასჩენია სურვილი მომაკვდავი დედა მოენახულებინა – ამის შესახებ განცხადება ანა ბაგრატიონ-გრუზინსკის ადვოკატმა ლევან გორელაშვილმა განაცხადა.
უფლებადამცველი ამბობს, რომ ის თავად შეესწრო ფაქტს, როცა დავითმა ანას დაურეკა ჯერ კიდევ დედის ავადმყოფობის შეტყობინებამდე და როგორც ის ჰყვება, დავით დედის ჯანმრთელობის მდგომარეობის შესახებ არაფერი უთქვამს, გორელაშვილის თქმით, დავითი საუბრის დროს სავარაუდოდ არაფხიზელ მდგომარეობაში იყო და ის, ფაქტობრივად, ანას ემშვიდობებოდა. მისივე განცხადებით, გასაფრენი ბილეთის შეძენის დრო მნიშვნელოვნად უსწრებს წინ, დედის ავადმყოფობის შეტყობინების ამბავს, რაც ანა ბაგრატიონ-გრუზინსკის ადვოკატის ვარაუდით, მიანიშნებს, რომ ავადმყოფობის ფაქტი დავითს ქვეყნიდან წავსლისა და გამოძიებისთვსი თავის არიდების გამართლებად სჭირდებოდა.
„როგორც მისმა ადვოკატმა ლევან ჩხეიძემ განაცხადა, დავითმა დედის ავადმყოფობის შესახებ გვიან ღამე შეიტყო და მაშინვე გაემგზავრა, თუმცა ჯერ კიდევ შუაღამემდე, დღის საათებში დავითმა დაურეკა ანას, მე თავად ვიმყოფებოდი მაშინ ანასთან. ეს ზარი უცნაური იყო, რადგან როგორც წესი ანა და დავითი დიდი ხანია ტელეფონით აღარ კონტაქტობენ. მე პირადად მოვისმინე ეს საუბარი, ის იყო ცრემლებამდე აღელვებული, ისტერიულად მოითხოვდა ანასგან რომ მათი შვილისთვის, გიორგისთვის კარგად მოევლო. ის არ ჰგავდა ფხიზელ მდგომარეობაში მყოფს. არ პასუხობდა ანას შეკითხვებს. არაფერი უხსენებია საკუთარი დედის ავადმყოფობის შესახებ, საუბრის ბოლოს ის გამოემშვიდობა ანას, ეს იყო გამომშვიდობება ისე, რომ ის ვეღარასოდეს ნახავდა ანას. როგორც ჩანს ჯერ კიდევ შუადღით ჰქონდა გადაწყვეტილი საქართველოდან წასვლა და მის მიერ ავიაბილეთების შეძენა დროში მნიშვნელოვნად უსწრებს დედის ავადმყოფობის შეტყობის ამბავს. ეს კიდევ ერთხელ გვარწმუნებს, რომ საკუთარი დედის ჯანმრთელობის დმგომარეობას არის ამოფარებული, რომ ქვეყნიდან გაქცევა გაამართლოს“- განაცხადა გორელაშვილიმა „კვირას“ პრესკლუბში გამართულ ბრიფინგზე.
ადვოკატი სამარცხვინოს უწოდებს განცხადებას იმის შესახებ, რომ თითქოს დავით მუხრანელი პოლიტიკური დევნის ობიექტია, რადგან, მისი თქმით, დავითი ამ ხელისუფლების პირობებში დიდ მხარდაჭერას იღებს კონკრეტული საჯარო მოხელეებისგან.
„ლევან ჩხეიძის განცხადება, რომ ვერასდროს ვიხილავთ როგორ მიდის დავით ბაგრატიონი პოლიციის სამმართველოს კიბეებზე, აქ პრობლემა არ არის კიბეებში, კიბეები რომ დამთავრდება და აღმოჩნდება დაკითხვის ოთახში, იქ არაფერი აქვს თავის სამართლებელი. მისი ცხოვრების წესიდან გამომდინარე ახალი არ არის პოლიციასთან ურთიერთობა გინდა ესპანეთში და გინდაც საქართველოში და მაშინ არ გასჩენია პოლიციასთან თანამშრომლობის კომპლექსი, რატომღაც ამ გამოძიების ფარგლებში გაიღვიძა მასში ქუჩურმა მენტალიტეტმა, რომ არ სურს პოლიციასთან თანამშრომლობა, ის მხოლოდ გაექცა ვითარებას. იყო საუბარ დევნაზეც და ეს არის სისულელე და ამაპრტავნობა, დავით მუხრანელი არანაირი ფიგურა არ არის რომ პოლიტიკური დევნის ინტერესი გააჩნდეს და ამ ხელისუფლების პირობებში მხოლოდ მხარდაჭერას იღებს ის, თუნდაც გავლენიანი საჯარო მოხელეები მის ინტერესებს ლობირებენ. ის რომ ვინმე დევნის არის არასერიოზული განცხადება.“ – განაცხადა გორელაშვილმა.