ჩემი აზრით მიზეზი არ ჰქონდათ, ღია კარის მტვრევით წავიდნენ და ამას დავასაბუთებ და გაჩვენებთ რა მაქვს მხედველობაში, – ამის შესახებ პარტია “ქართული ოცნების” თავმჯდომარემ ბიძინა ივანიშვილმა გადაცემაში “პირისპირ” საუბრისას განაცხადა.
ბიძინა ივანიშვილს გადაცემის წამყვანმა ყოფილი თანაგუნდელების მიერ საპარლამენტო უმრავლესობის დატოვების თაობაზე დაუსვა კითხვა.
“პროცესები, რომლის მართვასაც მე ვაპირებ ამ ბოლო თვეების განმავლობაში იყო დაფუძნებული ძალიან დიდ ემოციებზე. მთელ გუნდში საპარლამენტო გუნდს განვიხილავ, დაბნეულობა იგრძნობოდა. მე დამჭირდა მრავალჯერადი, ხანგრძლივი შეხვედრა, ზოგ შემთხვევაში მთელი დღე დაგვჭირდა და მე მგონი რომ შედეგი მივიღეთ. შედეგი იყო ის, რომ პრაქტიკულად ვინც წავიდა, ძირითადად ემოციებით ცდილობდა, რომ მთელი გუნდი დაერწმუნებინა რაღაც ფასეულობებში, რეალურად ხანგრძლივი საუბრების შემდგომ, გამოიკვეთა 3 ადამიანი, მეოთხე დაემატა ცოტა გვიან, (სოციალისტები არ მყავს მხედველობაში), მათ დატოვეს გუნდი და შეიძლება ჩავთვალოთ რომ გუნდი თითქმის დაწყნარდა, თუმცა იქ კიდევ არის პატარა პრობლემები, რომლის დალაგებაც გაცილებით იოლია. ბესელია, გოგიჩაიშვილი, გედი ფოფხაძე… ზვიად კვაჭანტირაძე რატომ შეუერთდა ამ გუნდს ჩემთვის დღესაც გაუგებარია, ის არ მონაწილეობდა ამ პოლემიკებში. მე მინდა შევჩერდე წასვლის მიზეზზე. ჩემი აზრით მიზეზი არ ჰქონდათ, ღია კარის მტვრევით წავიდნენ და ამას დავასაბუთებ და გაჩვენებთ რა მაქვს მხედველობაში. ზოგადად როდესაც პოლიტიკოსს არ აქვს კარგი საფუძველი, გამოკვეთილი მიზეზი იმისა , რომ საკუთარი გუნდი დატოვოს ჩემი აზრით, მას ძალიან გაუჭირდება პოლიტიკური პერსპექტივის შექმნა, თუმცა ამ მხრივ მე მათ გზა დავულოცე და დღესაც ასევე გავიხსენებდი ჩემს თანაგუნდელებს, თუმცა მათ ძალიან გაუჭირდებათ პოლიტიკური მომავლის შექმნა, მათ ვერ ჩამოაყალიბეს წასვლის მიზეზი, საბაბადაც ვერ გამოდგება ის მიზეზი, რასაც ასახელებდნენ და ასახელებდნენ იმას, რომ მოსამართლეთა შერჩევის პროცესი დაიწყო ახსოვს საზოგადოებას. გახსოვთ, წლის ბოლოს იუსტიციის საბჭოდან შემოიტანეს 10 მოსამართლის განცხადება, ამას პარლამენტში ძალიან მკვეთრი რეაქცია მოჰყვა. მე მახსოვს ერთ დღეს მომიწია ორ ჯგუფთან შეხვედრა, 30 კაცი იყო ერთ ჯგუფში , მეორეში 15-20 კაცი. ემოციურობა იყო ძალიან ბევრი, ჩვენ გვქონდა პოლემიკა. დაჟინებით ითხოვდნენ რომ სწრაფად არ განხილულიყო ეს სია და მათში ეს სამეული შეიძლება ვთქვათ, რომ განსაკუთრებული აქტიურობით გამოირჩეოდნენ, რასაც ესენი იჩემებენ და მეც არ ვუკარგავ ამას. ორი თუ სამი დღის პოლემიკის შემდგომ მთელი გუნდი დარწმუნდა ,რომ ეს სია საჩქაროდ არ უნდა განხილულიყო. ამაზე პარლამენტის თავმჯდომარე გამოვიდა და გააკეთა განცხადება როგორც კარგად გახსოვთ, რომ არ განიხილება წლის ბოლომდე, ამის შემდგომ დამტკიცების და განხილვის ფორმაზე იყო დიდი პოლემიკა. ამ პროცესში თვითონ მოსამართლეებმა გაიწვიეს საკუთარი განცხადებები უკან, რამეთუ პროცედურულად სხვანაირად არ შეიძლებოდა, პარლამენტს არ შეეძლო ის უკან გაეგზავნა, ასეც მოხდა. ეს სამეული დაჟინებით აცხადებდა ღია კარის მტვრევას. თქვენ გახსოვთ ამას მოჰყვა ბესელიას გადადგომა, შემდგომ ძალიან გაურკვეველი პროცედურებით გადამდგარი ბესელია ცდილობდა”, -განაცხადა ბიძინა ივანიშვილმა.
ბიძინა ივანიშვილი ყოფილ თანაგუნდელებზე – ჩემი აზრით, მიზეზი არ ჰქონდათ, ღია კარის მტვრევით წავიდნენ
2019/04/09 22:45:00
კომენტარები
ნანახია: 703 ჯერ