რუსუდან წერეთელი, რომელიც ტელეკომპანია მე-9 არხი”-ს მაუწყებლობის პერიოდში ვაშინგტონის ბიუროს ჟურნალისტი იყო, სოციალურ ქსელში წერილს აქვეყნებს და არხის მაშინდელ დირექტორი ლუბა ელიაშვილს ეხმიანება, რომელიც ბიძინა ივანიშვილს ღიად დაუპირისპირდა.
“ენას ძვალი არ აქვსო ამ ქალზეა ნათქვამი! ეს არის ქალი, რომელმაც ყველაფერი გააკეთა, რომ მეცხრე არხი დახურულიყო. მე, როგორც ყოფილ მეცხრე არხელს ნუ ამალაპარაკებ ლიუბა და ნუ მათქმევინებს ბევრ რამეს! შენ ის ქალი არ ხარ მასალას რომ მიკონტროლებდი და თითო სიტყვას წონიდი ბიძინაზე რაიმე კრიტიკული რომ არ გასულიყო?! შენ ის ქალი არ ხარ მივლინებების ფული (16 ათასი დოლარი) რომ არ გადამიხადე და საკუთარი მამის დაკრძალვაზე ვერ ჩავედი ვალების გამო?! შენ ის ქალი არ ხარ ივანიშვილმა შენს დას მანანას სააგენტო ინფო ცხრა რომ აჩუქა?! კიდევ მთავარი დამავიწყდა, როგორ გვიგზავნიდი მესიჯებს მოთხოვნით, რომ ბიძინასთვის მადლობა გადაგვეხადა ტელევიზიის დახურვის შემდეგ კომპენსაციები გადახდის გამო?! ამის მერე ვინმეზე რამეს როგორ ამბობ!
თავის დროზე ლიუბა ელიაშვილი მეცხრე არხში ხუხაშვილის პროტექციით დაინიშნა დირექტორად! ეს ის ხუხაშვილია, ერთ დროს ბიძინას ექსპერტი რომ იყო და დააჯერა ივანიშვილი, რომ ტელევიზიას ლიუბა მოუვლიდა და დირექტორად ის უნდა დაენიშნა – “ლიუბა მიანგრევთ მაგათ” – ეს იყო პატივცემული ხუხას სიტყვები. ლიუბას დანიშვნიდან მალევე ხუხაშვილი, კოაბიტაციის დედა – თინა ხიდაშელთან ერთად ბიძინას უმტკიცებს, რომ ტელევიზია უნდა დახუროს, რადგან თურმე დასავლეთის თვალში ცუდად ჩანს პრემიერის მიერ ტელევიზიის მფლობელობა. სწორედ ლიუბას მეშვეობით ბიძინა ხურავს ტელევიზიას, იმ არხს, რომელიც უკვე საკმაოდ პოპულარული და წელგამართული იყო! ეს ივანიშვილის ყველაზე მთავარი შეცდომა იყო! დროა მგონი ახლა ყველაფერი ვთქვა თუ რა ხდებოდა მეცხრე არხში და ვინ და რატომ დაგვბლოკა მე და გიორგი ფოფხაძე საერთოდ ქართულ ჟურნალისტიკაში!!!!”– წერს რუსუდან წერეთელი ფეისბუქში.