განცხადებები, რომელსაც საკონსტიტუციო სასამართლოს თავმჯდომარე აკეთებდა, პირდაპირ ჯდება იმ სცენარში, რაც არის სააკაშვილის მიერ დაწერილი – არჩევნებამდე დაძაბულობა და არეულობა შემოიტანოს ჩვენს საზოგადოებაში, – ამის შესახებ დევნილთა და განსახლების მინისტრმა სოზარ სუბარმა განაცხადა.
სოზარ სუბარმა იმედი გამოთქვა, რომ საკონსტიტუციო სასამართლოში არსებული მდომარეობა მალე დალაგდება.
“ძალიან ცუდია, რომ მოხდა საკონსტიტუციო სასამართლოს დისკრედიტაცია. ეს გააკეთა პირველ რიგში, მისმა თავმჯდომარემ. მაგრამ, ყველაფერი დალაგდება, დროებითი მოვლენაა. ადამიანები ინსტიტუციების ბედს ვერ განსაზღვრავენ დიდი ხნით. ინსტიტუცია არის ძალიან მნიშვნელოვანი, რომელიც უნდა იყოს საქართველოს კანონმდებლობის კონსტიტუციასთან შესაბამისობის გარანტი და იქნება კიდევაც, როგორც კი იქიდან პოლიტიკურ მოთამაშეები გავლენ. დღეს სამწუხაროდ, იქ პოლიტიკური მოთამაშე ძალიან ბევრია”,- განაცხადა სუბარმა.