ევროპის ნაწილში უამინდობამ წყალდიდობა და მნიშვნელოვანი ზარალი გამოიწვია. euronews-ის ცნობით, აღმოსავლეთ ევროპაში, ლიონში დაახლოებით ჩოგბურთის ზომის სეტყვამ ავტომობილები დააზიანა. დაიტბორა სამანქანო გზები და დაზიანდა სახლები.
საფრანგეთის ქალაქ ტანინგესში გერმანელ ტურისტს ხე დაეცა, რის გამოც ის დაიღუპა. უამინდობაა შვეიცარიაშიც, სადაც შტორმის გამო ქალი ჟენევის ტბაში ტურისტული ნავიდან გადავარდა და დაიღუპა.
დიდ ბრიტანეთში, ლინკოლნშირში კი ძლიერმა წვიმამ წყალდიდობა გამოიწვია. უამინდობამ პრობლემები შექმნა პოლონეთშიც, სადაც მეხის დაცემის გამო რამდენიმე ადამიანი დაშავდა.
კომენტარები