დონალდ ტრამპი ლონდონის მერის მწვავე კრიტიკას განაგრძობს. ბრიტანეთის დედაქალაქში ძალადობის გახშირებული შემთხვევების გამო, შეერთებული შტატების პრეზიდენტმა სადიკ ხანს კატასტროფა და ეროვნული სირცხვილი უწოდა.
twitter-ის ქსელში საკუთარი შეფასება დონალდ ტრამპმა მას შემდეგ დაწერა, რაც ერთ დღეში ლონდონში 5 თავდასხმა მოხდა.
შემთხვევების დროს სამი ადამიანი მოკლეს, სამი კი დაჭრეს. პოლიციამ თავდასხმებთან დაკავშირებით 14 ეჭვმიტანილი დააკავა. შეერთებული შტატების პრეზიდენტის თქმით, ლონდონს ახალი მერი სჭირდება, წინააღმდეგ შემთხვევაში ვითარება კიდევ უფრო გაუარესდება.
კომენტარები