„დიდი ოცეულის“ სამიტის ფარგლებში დონალდ ტრამპსა და რეჯეფ თაიფ ერდოღანს შორის შეხვედრა გაიმართა.
შეხვედრაზე ამერიკის შეერთებული შტატების და თურქეთის პრეზიდენტებმა რუსეთის მიერ თურქეთისთვის „ეს-400“-ის ტიპის სარაკეტო კომპლექსის მიწოდების საკითხი განიხილეს.
როგორც შეხვედრის შემდეგ თეთრი სახლის ლიდერმა განაცხადა, აღნიშნული საკითხი ორ ქვეყანას შორის პრობლემას წარმოადგენს. დონალდ ტრამპის განმარტებით, ამ თემასთან დაკავშირებით ვაშინგტონი შესაძლო სანქციებსაც განიხილავს.
კომენტარები