დიდწილად ამ ახალგაზრდების სისხლი სააკაშვილის კისერზეა, – ამის შესახებ პარლამენტის წევრმა, პარტია „თამაზ მეჭიაური-ერთიანი საქართველოსთვის“ დამფუძნებელმა თამაზ მეჭიაურმა განაცხადა, სადაც მან მუხათგვერდის ძმათა სასაფლაოზე რუსეთ-საქართველოს ომის დროს დაღუპული ჯარისკაცების ხსოვნას პატივი მიაგო.
მეჭიაურის განცხადებით, 2008 წლის აგვისტოს მოვლენებს წინ ყოფილი პრეზიდენტის მიხეილ სააკაშვილის აგრესიული რიტორიკა უსწრებდა.
„2008 წლის აგვისტოს ომის მოვლენებთან დაკავშირებით არსებობს ტალიავინის დასკვნა სადაც ცალსახად წერია, რომ იმ მომენტში მიხეილ სააკაშვილის აგრესიული რიტორიკა მიუძღვოდა წინ. ეს რიტორიკა ყველას გვახსოვს . კიბატონო რუსეთი აგრესორია და გამოიყენა ეს სიტუაცია მშვენივრად. თუმცა ნუ დაგვავიწყდება ის, რომ დიდწილად ამ ახალგაზრდების სისიხლი სააკაშვილის კისერზეა“, – განაცხადა მეჭიაურმა.
“ამ ახალგაზრდების სისხლი სააკაშვილის კისერზეა”
2016/08/08 17:55:22
ნანახია: 1669 ჯერ