საფრანგეთში, ეროვნულ დღესასწაულთან – ბასტილიის აღების დღესთან დაკავშირებით გამართული სამხედრო აღლუმის შემდეგ, „ყვითელი ჟილეტების“ საპროტესტო მსვლელობა მოეწყო, რომლის მონაწილეებსა და პოლიციას შორის ელისეის მინდვრებზე შეტაკება მოხდა.
ამ დროისთვის პროტესტის მონაწილეები ცენტრალურ ქუჩაზე ბარიკადებს აწყობენ , რასაც პოლიცია უშლის ხელს. პოლიცია ცრემლსადენ გაზს იყენებს.
მათი ინფორმაციით, დღის პირველ ნახევარში 150-ზე მეტი ადამიანი დააკავეს.
აღლუმის პერიოდში სამართალდამცავებმა უსაფრთხოების გაძლიერებულ ზომებს მიმართეს. ისინი ამოწმებდნენ აღლუმის ყურების მსურველებს, მათ ჩანთებსა და ზურგჩანთებს.
კომენტარები