“როცა პარტიის ლიდერი პარტიის წევრებს ქუჩაში დაპირისპირებისკენ მოუწოდებს, არ გამიკვირდება, თუ პარტიის წევრებმა პარტია დატოვეს”

როცა პარტიის ლიდერი გამოვა და პარტიის წევრებს ქუჩაში დაპირისპირებისკენ მოუწოდებს, ამის შემდეგ არ გამიკვირდება, თუ პარტიის წევრებმა პარტია დატოვეს,  – ამის შესახებ დღეს დეპუტატმა გია ვოლსკიმ ჟურნალისტებს განუცხადა.
”ჩვენ და ”თავისუფალი დემოკრატების” რამდენიმე წარმომადგენელმა მოვამზადეთ ქცევის კოდექსი არჩევნების წინ. მთელმა მსოფლიომ გაიგო და მიესალმა, რომ ჩვენ ქცევის კოდექსის ნორმებს ვიცავთ. როცა პარტიის ლიდერი გამოვა და პარტიის წევრებს ქუჩაში დაპირისპირებისკენ მოუწოდებს, ამის შემდეგ არ გამიკვირდება, თუ პარტიის წევრებმა პარტია დატოვეს”, – განუცხადა ჟურნალისტებს გია ვოლსკიმ.
”თავისუფალი დემოკრატების” წარმომადგენელმა, დეპუტატმა თამაზ შიოშვილმა პარტიის დატოვების გადაწყვეტილება მიიღო. შიოშვილი გორის მაჟორიტარობის კანდიდატად იყო წარდგენილი.
გავრცელებული ინფორმაციით, შიოშვილთან ერთად, ”თავისუფალი დემოკრატები” პარტიის ხაშურის ორგანიზაციის თავმჯდომარემ გიორგი ცხადიაშვილმაც დატოვა.