ცესკო-მ საზღვარგარეთ დისლოცირებულ საქართველოს შეიარაღებულ ნაწილებში მოსამსახურე საქართველოს მოქალაქეების საპრალამენტო არჩევნებში მონაწილეობის წესი დაამტკიცა.
როგორც ცესკო-ს პრესსპიკერმა ანა მიქელაძემ განაცხადა, განკარგულების თანახმად, ავღანეთში გაიხსნება ორი საარჩევნო – ბაგრამისა და მაზარი-შარიფის უბანი.
“კენჭისყრა გაიმართება 2016 წლის 1 ოქტომბერს, დილის 08.00 საათიდან 20.00 საათამდე ადგილობრივი დროით. გადასატანი საარჩევნო ყუთი უბანში შეიძლება დაბრუნდეს 20,00 საათის შემდგომ. 1 ოქტომბერს ფორს-მაჟორული გარემოებების შესაძლო მოვლენების შემთხვევაში, კენჭისყრა შეიძლება გაიმართოს გარემოებების აღმოფხვრიდან მომდევნო დღეს, მაგრამ არაუგვიანეს 4 ოქტომბრისა”, – განაცხადა მიქელაძემ.
კომენტარები
