ანა სუბელიანი სოციალურ ქსელში პოსტს აქვეყნებს.
მეგობრებო, უშველებელი მადლობა იმ სიყვარულისთვის და თანადგომისთვის, რასაც თქვენგან ვგრძნობ იმ წამიდან, რაც ეს კოშმარი დამატყდა თავს. მაპატიეთ, რომ ვერ გპასუხობთ ყველას, მაგრამ იცოდეთ, რომ გხედავთ და გიმახსოვრებთ 
ძალან ძალიან მაძლიერებთ! 
დიდი მადლობა ასევე სახალხო დამცველს, Nino Lomjariaს, ადამიანის უფლებათა სახლს, ადვოკატ ეკა ქობესაშვილს და ჟურნალისტებს, რომლებიც საათობით მელოდებოდნენ კლინიკასთანაც და სამმართველოსთანაც. ასევე ბოდიში მათ, რომ დღეისთვის შეპირებულ ჩართვეზე უარი ვუთხარი, ან საერთოდ ვეღარ ვუპასუხე.
დილის ხუთ საათზე მოვაღწიე სახლში. კლინიკის მერე თბილისის საგამოძიებო სამმართველოში წამიყვანეს “სულ ცოტა ხნით” და ასე გავატარე მთელი ღამე იქ, გამოკითხვასა და სხვა პროცედურებში. თავდამსხმელი დაჭერილია (ფეისბუქზეც დავსტალკე და ისეთივე ღორია, როგორიც წარმოგიდგენიათ). მგონი ტელეფონი მესროლა და მე აღვიქვი ქვად, იმდენად ძლიერად იყო ნასროლი (თუმცა ეს ჯერ კიდევ დასაზუსტებელია). გავესაუბრე გამომძიებლებსაც და საგამოძიებოს უფროსსაც. მოტივირებულები ჩანან, რომ ეს საქმე ბოლომდე მიიყვანონ. თუმცა ცხადია არ აღიარებენ იმას, რომ პოლიციისვე პასუხისმგებლობაა ის, რაც მოხდა. მე რომ არ მოვეშვები, ამასაც კარგად ხვდებიან. ვერავინ რო ვერ შემაშინებს, მგონი ამასაც ყველა კარგად ხვდება. დამღლელია ამ ქვეყანაში ცხოვრება, მტკივნეული და რთული. მაგრამ ჯერ ვერ გამაქცია ვერავინ და ძალიან ბევრ ბრძოლას ვაპირებ კიდევ თავისუფლებისთვის და სამართლიანობისთვის! რათქმაუნდა, თქვენთან ერთად! მიყვარხართ!