საქართველოში ამერიკის შეერთებული შტატების ელჩის, იან კელის განცხადებით, სამხრეთ კავკასიაში დაწყებული რუსეთის წვრთნებით შეშფოთებულები არიან.
როგორც ელჩმა ჟურნალისტებს განუცხადა, რუსული შეირაღებული ძალები საერთოდ არ უნდა იმყოფებოდნენ საქართველოს ტერიტორიაზე და ამას გულისხმობდა 2008 წლის ცეცხლის შეწყვეტის შეთანხმება.
”ჩვენ შეშფოთებული ვართ ამ სამხედრო წვრთნებით. როდესაც ამ მასშტაბის სამხედრო წვრთნები ტარდება, აუცილებელია ის იყოს გამჭვირვალე და იყოს ორმხრივი შეთანხმება ამასთან დაკავშირებით”, – აღნიშნა ელჩმა.
რუსეთი 18 პოლიგონზე მასშტაბურ სამხედრო წვრთნას მართავს. სამხედრო სწავლება მიმდინარეობს ოკუპირებულ აფხაზეთსა და სამხრეთ ოსეთში, ანექსირებულ ყირიმში, ასევე სომხეთში. ინფორმაციას ამის შესახებ რუსული მედია სამხრეთის სამხედრო ოლქის პრესსამსახურზე დაყრდნობით ავრცელებს.