საკრებულოში მომხდარი დაპირისპირების შემდეგ ოპოზიციონერმა დეპუტატმა ლევან ხაბეიშვილმა განმარტებები გააკეთა.
როგორც მან მედიის წარმომადგენლებთან განაცხადა, დაპირისპირების მიზეზი ის იყო, რომ დამლაგებელს გამოესარჩლა, რომელსაც 8 ლარს აძლევენ.
“პირდაპირ ეთერში გამოვესარჩლე იმ ადამიანებს, მაგალითად – დამლაგებლებს, რომლებსაც 8 ლარს უხდიან. სწორედ ამის გამო მოხდა ეს დაპირისპირება. 10-15 ადამიანი მაინც დამიპირისპირდა. ეს დაგეგმილი იყო, რადგან მე მაქსიმალურად მშვიდად ვიყავი, ვცდილობდი არ შევსულიყავი ფიზიკურ დაპირისპირებაში, მაგრამ რა დავალებაც ჰქონდათ, შეასრულეს. დედაქალაქის მერს ვაწუხებ, ფაქტია და დაიბარა ამდენი ადამიანი იმისთვის, რომ ჩავექოლე ყველას,”– განაცხადა ლევან ხაბეიშვილმა.
შეგახსენებთ, დღეს თბილისის საკრებულოს “ქართული ოცნების” დეპუტატებსა და “ნაციონალური მოძრაობის” წევრ ლევან ხაბეიშვილს შორის ფიზიკური დაპირისპირება მოხდა.