გაზეთი „ასავალ-დასავალი“ სახელმწიფო კანცელარიის ყოფილ უფროსთან, მართვის სტრატეგიული ინსტიტუტის ხელმძღვანელ პეტრე მამრაძესთან ინტერვიუს აქვეყნებს, სადაც მამრაძე სანდრა რულოვსის წინასაარჩევნო კამპანიას ეხმაურება”.
“ამ ქალბატონს ხალხმა არ უნდა მისცეს ხმა, ბევრჯერ იცრუა და სააკაშვილის რეჟიმის შესახებ არც ერთხელ არ უთქვამს სიმართლე. უცხოურ პრესაში ამბობდა, სტალინი და ბერია ქართველები არიან და საქართველოს დიახაც ძლიერი ხელი სჭირდებოდაო.
სანდრას მშობლებს სააკაშვილმა სახლი ისეთ ადგილას უყიდა ჭოპორტთან, სადაც არათუ ცხოვრება, სიარულიც კი აკრძალულია. ვილა, რომელიც სანდრას ქმარმა აჩუქა, სააკაშვილის წასვლის შემდეგ დაანგრიეს.
არ გამოვრიცხავ, რომ მერაბიშვილსა და ადეიშვილს სანდრაზე კომპრომატები ჰქონდეთ, შესაძლოა, ამ ფაქტორების გამოა სანდრა სააკაშვილის მორჩილი, ისინი პოლიტიკური მეუღლეები არიან”, – აცხადებს მამრაძე.
მამრაძე კიევში მოკლული ჟურნალისტის საქმესაც ეხმაურება, რომელიც აგვისტოს ომის ფაქტებს აშუქებდა. იგი არ გამორიცხავს, რომ ჟურნალისტის ლიკვიდაციისთვის სააკაშვილმა მოკავშირეები უკრაინაშიც იპოვა, რადგან იმ პერიოდში ხშირად ქვეყნდებოდა უკრაინულ პრესაში სტატიები, სადაც აღნიშნული იყო, რომ ომის დროს სააკაშვილმა კეზერაშვილთან ერთად იარაღის შეძენის დროს უკრაინიდან საკმაოდ ბევრი ფული იშოვა. პეტრე მამრაძემ ისიც გაიხსენა, რომ ყოფილმა პრეზიდენტმა მომღერალ სოფო ნიჟარაძის მამას შოკოლადის ფაბრიკა აჩუქა.
წყარო: ასავალ-დასავალი
კომენტარები