არანაირი საფრთხე ამ პროექტებს არ ემუქრება, – ამის შესახებ კახა კალაძემ ჟურნალისტებს აზერბაიჯანში განუცხადა.
ქართველი ჟურნალისტები დაინტერესდნენ, ხომ არ შეიძლება შეფერხდეს რომელიმე პროექტი, რუსეთ-ირანსა და აზერბაიჯანს შორის დაწყებული თანამშრომლობის გამო.
„არანაირი საფრთხე ამ პროექტებს არ ემუქრება. საქართველოს ტერიტორიაზე, ზოგადად ამ პროექტების ფარგლებში მიმდინარე სამუშაოები გეგმისა და გრაფიკის მიხედვით მიმდინარეობს. 2018-2019 წლიდან გვექნება შესაძლებლობა, მივიღოთ დამატებითი მოცულობები ამ პროექტიდან“, – განაცხადა კახა კალაძემ.
კახი კალაძემ ასევე ხაზი გაუსვა საქართველოსა და აზერბაიჯანს შორის ურთიერთობას.
„ძალიან თბილი შეხვედრა იყო, ხაზი გაესვა ორ ქვეყნებს შორის ურთიერთობას, ჩვენს მეგობრულ, სტრატეგიულ პარტნიორულ ურთიერთობას, რომელიც წლებია, არსებობს ქვეყნებს შორის. ხაზს ვუსვამთ, რომ ეს ურთიერთობები კიდევ უფრო გაღრმავდება და მეგობრული გახდება“, – განაცხადა ვიცე-პრემიერმა.
