ისლანდიის სამხრეთ ნაწილში მონადირეებმა ვიკინგების ხმალი აღმოაჩინეს. ის, სავარაუდოდ, რამდენიმე ათასი წლის წინ არის დამზადებული. ერთ-ერთმა მონადირემ ხმლის ფოტო ფეისბუქში გამოაქვეყნა და ძალიან მალე მას ისლანდიის კულტურული მემკვიდრეობის სააგენტოდან დაურეკეს. მონადირემ უძველესი ნაკეთობა სპეციალისტებს გადასცა.
მეცნიერები ვარაუდობენ, რომ ხმალი მე-10 საუკუნეში იყო დამზადებული. კულტურული მემკვიდრეობის სააგენტოს დირექტორის, კრისტინ სიგურდარდიტირის განცხადებით, აქამდე ისლანდიაში მსგავსი სიძველის მხოლოდ 20 ხმალია აღმოჩენილი, რაც ახალაღმოჩენილ ნივთს განსაკუთრებით ფასეულს ხდის.
კომენტარები