ენერგეტიკის მინისტრის გარდა თანამდებობა სოფლის მეურნეობის მინისტრმა ოთარ დანელიამაც დატოვა.
დანელია მინისტრის მოვალეობას დღეიდან აღარ ასრულებს და ამ დროისთვის უკვე სამეგრელოში იმყოფება, სადაც საარჩევნო კამპანიის ფარგლებში მოსახლეობასთან მართავს შეხვედრებს.
შეგახსენებთ, რომ ოთარ დანელია მარტვილისა და აბაშის მაჟორიტარი დეპუტატობის კანდიდატია პარტია „ქართული ოცნება – დემოკრატიული საქართველოდან“.
კანონმდებლობის თანახმად, პარლამენტის წევრობის კანდიდატად რეგისტრაციის შესახებ განცხადების წარდგენიდან არა უგვიანეს მე-2 დღისა, დაკავებული თანამდებობიდან უნდა გადადგნენ და გათავისუფლდნენ პირები, რომელთა თანამდებობებიც დეპუტატობის კანდიდატობასთან შეუთავსებელია. ერთ-ერთი ასეთი თანამდებობა მინისტრის თანამდებობაა.
კომენტარები