“ქართული ოცნება“: გაიზრდება სოციალური საწარმოების დაფინანსება

პარტიამ „ქართული ოცნება – დემოკრატიული საქართველოსთვის” საარჩევნო პროგრამა წარმოადგინა, სადაც საუბარია რეფორმებზე, რომელთა გატარებასაც „ქართული ოცნება” ახალგაზრდობის პოლიტიკის განვითარების მიმართულებით გეგმავს.

„გაძლიერდება ახალგაზრდული საქმიანობის მხარდაჭერა სახელმწიფოს მხრიდან, მათ შორის არაფორმალური საგანმანათლებლო პროგრამების, ჰობი-განათლებისა და რეკრეაციული პროექტების დაფინანსების კუთხით;

 

– გაიზრდება ადგილობრივი თვითმმართველობის როლი ახალგაზრდული პოლიტიკის მიმართულებით;

 

– გაიზრდება სოციალური საწარმოების დაფინანსება, განსაკუთრებით – რეგიონებში;

 

– აშენდება 3 ახალი ახალგაზრდული ბანაკი;

 

– ახალგაზრდული ტურიზმის ხელშეწყობის მიზნით გაორმაგდება კემპინგცენტრების და ტურისტული ბილიკების რაოდენობა; გაორმაგდება სოციალური თუ ახალგაზრდული კაფეების რაოდენობა;

 

– გაღრმავდება ევროკავშირთან თანამშრომლობა ახალგაზრდობის მობილობის, მოხალისეობის ხელშეწყობის და არასამთავრობო ორგანიზაციების განვითარების მიზნით;

 

– გაუმჯობესდება არასამთავრობო სექტორთან თანამშრომლობა ახალგაზრდული პროექტების ხელშეწყობისა და განვითარებისთვის;

 

– გაიზრდება შშმ პირების ინკლუზიაზე ორიენტირებული არაფორმალური განათლების პროგრამების მხარდაჭერა, მათ შორის მათ დასაქმებაზე ორიენტირებული პროექტების რაოდენობა”, – ნათქვამია „ქართული ოცნების” საარჩევნო პროგრამაში.