თბილისის საქალაქო სასამართლოში 14:00 საათზე ”თოფაძე-მრეწველები – ჩვენი სამშობლოს” სარჩელის განხილვა დაიწყება.
”მრეწველები” და ”ჩვენი სამშობლო” ცენტრალური საარჩევნო კომისიის იმ გადაწყვეტილებას აპროტესტებენ, რომლის მიხედვითაც პარტიებს საარჩევნო რეგისტრაცია გაუუქმდათ.
”სასამართლო ჩვენ სარჩელს განიხილავს ცესკოს თავმჯდომარის გადაწყვეტილების ბათილად ცნობის თაობაზე. იმედი გვაქვს სამართლიანობის. დაველოდოთ სხდომას. პარტიის ლიდერები დავესწრებით სხდომას”, – განაცხადა ზურაბ ტყემალაძემ.
რაც შეეხება საპროტესტო აქციას, რომელიც შესაძლოა პროცესის პარალელურად სასამართლოსთან გაიმართოს, ზურაბ ტყემალაძემ განაცხადა, რომ ის არ გამორიცხავს მათმა მხარდამჭერებმა აქცია გამართონ, თუმცა ამის შესახებ ინფორმაციას არ ფლობს.
ცენტრალურმა საარჩევნო კომისიამ 12 სექტემბერს გამოსცა დადგენილება საარჩევნო ბლოკისთვის ”თოფაძე-მრეწველები – ჩვენი სამშობლოს” საარჩევნო რეგისტრაციის გაუქმების შესახებ. ცესკოს განცხადებით, ბლოკს საარჩევნო კომისიაში სია არ წარუდგენია, რის საფუძველზეც მათ რეგისტრაცია გაუუქმდათ.
