თავისუფალი დემოკრატების ლიდერი, ირაკლი ალასანია, 8 ოქტომბრის არჩევნებში გამარჯვებისთვის იბრძვის.
ამის შესახებ ალასანიამ გადაცემა არჩევანში განაცხადა და თქვა, რომ თავისუფალი დემოკრატებისარჩევნებში არავის წინააღმდეგ არ იბრძვის, „ჩვენ ამ ბრძოლაში შემოვედით გამარჯვებისთვის რომ უკეთესი მომავალი ქონდეს მოქალაქეებს,“ – განაცხადა ალასანიამ.
თავისუფალი დემოკრატების ლიდერმა იმ ძირითად პრინციპებზე ისაუბრა, რის გაკეთებასაც არჩევნებში გამარჯვების შემთხვევაში აპირებს.
„გვაქვს გამოცდილება, ღირებულების ერთგულება, ჩვენ არც ერთ განსაცდელს უკან არ დაუხევივართ. არასდროს გვიღალატია არც პრინციპებისთვის, არც ერთმანეთისთვის. ეს არის ის ძლიერი პროფესიონალური გუნდი, რომელიც იმას, რასაც ვიტყვით, შევასრულებს აუცილებლად და არ დაგტოვებთ პირისპირ პრობლემებთან. თქვენ არ უნდა დაგეზაროთ და მიხვიდეთ 8 ოქტომბერს არჩევნებზე და შემოხაზოთ ნომერი 27,“ – განაცხადა ირაკლი ალასანიამ.
გადაცემა არჩევანში საარჩევნო პროგრამის წარდგენისას ირაკლი ალასანიამ საზოგადოებას პარტიის მაჟორიტარობის კანდიდატები გააცნო და მათ რეგიონებში არსებულ გეგმებზე ისაუბრა.