საარჩევნო ბლოკი „თოფაძე-მრეწველები – ჩვენი სამშობლო“ 2016 წლის 8 ოქტომბრის საპარლამენტო არჩევნებში მონაწილეობას მიიღებს.
აღნიშნული გადაწყვეტილება ცესკოს თავმჯდომარე თამარ ჟვანიამ საქალაქო სასამართლოს მიერ გამოტანილ განაჩენზე დაყრდნობით მიიღო.
თამარ ჟვანიას განმარტებით, საარჩევნო ბლოკი გაივლის ყველა პროცედურას და რეგისტრაციის ბოლო დღეს, 18 სექტემბრისთვის მას რეგისტრაცია დასრულებული ექნება.
„მოსამართლემ უფრო ფართოდ განმარტა კანონი, რის საფუძველზეც მას მიეცა უფლება, რომ ჩაეთვალა წარმოდგენილი დოკუმენტაცია სრულყოფილად. იმის გათვალისწინებით, რომ არჩევნებამდე დარჩა 24 დღე, მივიღეთ გადაწყვეტილება რომ სასამართლოს მიერ გამოტანილი გადაწყვეტილება არ გავასაჩივრო და აღვასრულო ის“, – განაცხადა თამარ ჟვანიამ.
კომენტარები