გიორგი შაქარაშვილის საქმეზე მცხეთის რაიონულ სასამართლოში დღეს ორი ბრალდებული დაიკითხება. არასრულწლოვნების ეპიზოდის საქმის განხილვა თითქმის ფინალურ ეტაპამდეამისული. ექვსი არასრულწლოვნიდან სამი ბრალდებული წინა სხდომაზე დაიკითხა, ორს კი მცხეთის რაიონულ სასამართლოში დღეს მოუსმენენ.
ერთ-ერთი ბრალდებულის ადვოკატი ამბობს, რომ დაცვის მხარეს განაჩენთანდაკავშირებით პოზიტიური მოლოდინი არ აქვს.
„წინა სხდომაზე ბრალდებულები დაიკითხნენ და სრულყოფილად მიაწოდეს ინფორმაცია. არ გამოკვეთილა და არ დადასტურებულა, რომ დანაშაულს ჰქონდა ადგილი. ბუნებრივია, გრძელდება დაცვის მხარის მტკიცებულებების გამოკვლევა. დარჩენილი სამიდან ერთი მოწმე, ჩემი დაცვის ქვეშ მყოფი ლ.შ. მზად არის, ყველა კითხვას გასცეს პასუხი. მყარად დასტურდება, რომ მას არ ჩაუდენია დანაშაული. მე არ მაქვს პოზიტიური მოლოდინები, ვფიქრობ, უკვე დაწერილია სცენარი და ამ სცენარის აღსრულება ხდება“, – განაცხადა ადვოკატმა ზაქრო გვიშიანმა.