“ეს ის ძალაა, რომელმაც ომი წააგო, იზეიმა მოგება და გამარჯვება და ხალხი აზეიმა. ლტოლვილები გეტოში, მზის გულზე ჩაასახლა და იქ იცეკვა, აი, ეს ის ძალაა. ამისგან რა გასაკვირია გარეჯის გასხვისება? “, – ამის შესახებ პოეტმა, დავით მაღრაძემ „იმედთან“ დავით გარეჯზე საუბრისას განაცხდა.
ეს ის ძალაა, რომელმაც დამოუკიდებელი ტელეარხი დალეწა. თავზე გადაამტვრია ჟურნალისტებს კამერები, ჩამწერები და მიკროფონები – „იმედს“ ვგულისხმობ; ეს ის ძალაა, რომელიც სანდრო გირგვლიანის მხეცური მკვლელობის მერე შინაგან საქმეთა მინისტრს ფეხზე აუდგა პარლამენტში, აი, ამ ძალის ელიტა და ტაშის ცემით მიეგება ამ მხეცური მკვლელობის ავტორსა და შემოქმედს, და სულისჩამდგმელს და მერე მკვლელობის დამმალავს; ეს ის ძალაა, რომელმაც ომი წააგო და იზეიმა მოგება და გამარჯვება და ხალხი აზეიმა. ლტოლვილები გეტოში, მზის გულზე ჩაასახლა და იქ იცეკვა, აი, ეს ის ძალაა. ამისგან რა გასაკვირია გარეჯის გასხვისება? მოულოდნელი ამბავი იყო, რა თქმა უნდა და არის მოულოდნელი და თავზარდამცემი ამბავი. მაგრამ თავზარდამცემი არის ჩვენთვის და არა იმ ხალხისთვის, ვინც ამ ჩამონათვლის სულისჩამდგმელი, ავტორი და მესაძირკვლეა. მათთვის ძეგლი არის ერთი ადამიანი, რომელსაც მთელი ცხოვრება ელიან. ეს ადამიანია მათთვის ძეგლიც, გარეჯიც, სვეტიცხოველიც, ალავერდიც და გელათიც. დანარჩენ ძეგლებს ისინი არ ცნობენ. ისინი საქართველოს სულიერ საყრდენებს არ აღიარებენ“, – განაცხადა მაღრაძემ.