ახმეტა-თელავი-ყვარელი-ლაგოდეხის ოლქში „ქართული ოცნების“ კანდიდატმა გაიმარჯვა.
ცესკოს ოფიციალური ინფორმაციით, ოთხ მუნიციპალიტეტში „ქართული ოცნების“ კანდიდატს, კენჭისყრაზე მისული ამომრჩევლის 88,83%-მა გამოუცხადა ნდობა, ხოლო „ნაციონალურ მოძრაობის“ კანდიდატს გიორგი ბოტკოველს ხმების 11,17% ერგო.
ირაკლი ქადაგიშვილმა ჟურნალისტებისთვის ცოტა ხნის წინ გამართულ ბრიფინგზე, ამომრჩეველს გამოცხადებული ნდობისთვის მადლობა გადაუხადა და აღნიშნა, რომ პირველ ტურთან შედარებით მეორე ტურში მისი მხარდამჭერთა რაოდენობა 3 ათასი ხმით გაიზარდა, რაც მეტ დემოკრატიულ განვითარებას, მშვიდობასა და სტაბილურობას ნიშნავს.
„გუშინდელმა საარჩევნო პროცესმა ჩვენს ოთხივე საარჩევნო ოლქში მშვიდ ვითარებაში ჩაიარა, სადაც არც ერთი დარღვევა არ დაფიქსირებულა. რაც ყველაზე მთავარია, მიუხედავად იმისა, რომ ოპოზიციას არჩევნების მიმართ ბოიკოტი ჰქონდა გამოცხადებული, აქტიურობა იყო საკმაოდ მაღალი.
მაგალითისთვის ვიტყვი იმას, რომ ჩემი ამომრჩეველი 3,000-ით გაიზარდა პირველ ტურთან შედარებით. ეს კიდევ ერთხელ ხაზს უსვამს იმას, რომ ამომრჩეველი სწორედ მოწოდებულია იმისათვის, რომ ქვეყანაში იყოს მშვიდობა, სტაბილურობა და დემოკრატიული განვითარება.
მიუხედავად ბოიკოტისა, ამომრჩევლის გარკვეული ნაწილი მივიდა და ოპოზიციურ კანდიდატსაც მისცა ხმა. ეს კიდევ ერთხელ მეტყველებს და არის მესიჯი სწორედ ოპოზიციური პარტიების მიმართ გაგზავნილი, რომ ამომრჩეველს უნდა იხილოს მისი რჩეული საპარლამენტო მუშაობაში.
ასე რომ, გუშინდელმა მეორე ტურის არჩევნებმა ჩვენს საარჩევნო ოლქში და მთლიანად საქართველოში აჩვენა ის , რომ ჩვენი მოქალაქე მხარს უჭერს ქვეყნის მშვიდობიან და დემოკრატიულ განვითარებას.
პარლამენტი არის ის ადგილი, სადაც უნდა წყდებოდეს ყველა პოლიტიკური საკითხი და მე დარწმუნებული ვარ რომ მეათე მოწვევის პარლამენტი იქნება ერთ-ერთი ქმედითუნარიანი პარლამენტი და საინტერესო თავისი მრავალფეროვნებით,“ – განაცხადა ირაკლი ქადაგიშვილმა.
თვითმმართველობის გაძლიერება , ტურიზმი და და სოფლის მეურნეობის განვითარება- ეს სამი ძირითადი საკითხია, რა მიმართულებითაც ქადაგიშვილი საკანონდებლო ირგანოდან აქტიურად იმუშავებს.
თვითმმართველობის გაძლიერება, ტურიზმი და და სოფლის მეურნეობის განვითარება – ეს სამი ძირითადი საკითხია, რა მიმართულებითაც ქადაგიშვილი საკანონმდებლო ორგანოდან აქტიურად იმუშავებს.
„მთელი საარჩევნო კამპანიის განმავლობაში ორი მიმართულებით ვამახვილებდი განსაკუთრებულ ყურადღებას. რა თქმა უნდა, პარლამენტარი არის ძალიან ფართო და მრავალ საკითხს მოიცავს, მაგრამ გამომდინარე იმ გამოცდილებიდან, რომელიც მუშაობის პერიოდსი შევიძინე განსაკუთრებული ყურადღება ექნება დათმობილი სწორედ თვითმმართველობის განვითარებას, რეგიონალიზმის განვითარებას და რა თქმა უნდა, ამავდროულად, ეკონომიკის იმ დარგისა, რომელიც საქართველოსთვის და ჩვენი რეგიონისათვის დღეს ძალიან მნიშვნელოვანია, ეს არის სოფლის მეურნეობა და ტურიზმი“, – აღნიშნა ქადაგიშვილმა.
ცესკო-ს წინასწარი მონაცემებით, 17-ვე მაჟორიტარულ ოლქში „ქართული ოცნების“ კანდიდატები ლიდერობენ.
საქართველოს მასშტაბით, საპარლამენტო არჩევნების მეორე ტურის კენჭისყრის პროცედურა დასრულდა. ამომრჩეველს ხმის მიცემის უფლება სწორედ 20:00 საათამდე ჰქონდა.
17 მაჟორიტარულ ოლქში მეორე ტურში 7 პარტიის წარმომადგენლები გავიდნენ. თუმცა ოპოზიცია არჩევნებს გაყალბებულს უწოდებს და მეორე ტურში არ მონაწილეობს. 21 ნოემბრის არჩევნების მეორე ტურზე, ამომრჩევლებს 1914 საარჩევნო უბანი ემსახურებოდა. ამომრჩეველთა საერთო რაოდენობა 2 140 210 იყო.