ქართულ ჯარში, კიდევ ერთხელ ირაკლი ღარიბაშვილის მინისტრობის პერიოდში გამყარდა განცდა, რომ ეს არის საამაყო სამსახური, ისინი ემსახურებიან ქვეყანას, ქართული ჯარი ძლიერდება და ეს არის ქვეყნის თავდაცვისუნარიანობის მთავარი ქვაკუთხედი, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
მისი თქმით, როდესაც ირაკლი ღარიბაშვილის, თავდაცვის სამინისტროში საქმიანობაზე ვსაუბრობთ, ამ შემთხვევაში აღქმაც და რეალობაც ერთმანეთის იდენტურია.
„ბევრი ლაპარაკობს, რომ ირაკლიმ ძალიან მყარად დაუსვა წერტილი იმას, რომ თავდაცვისუნარიანობა ერთ-ერთი პრიორიტეტული საკითხია ქვეყანაში, საამაყოა ჯარისკაცობა და დუღილი, პოზიტიური მიმართულებით, ქართულ ჯარში იგრძნობა.
ქართულ ჯარში, ირაკლი ღარიბაშვილის მინისტრობის პერიოდში გამყარდა განცდა, რომ ეს არის საამაყო სამსახური, ისინი ემსახურებიან ქვეყანას, ქართული ჯარი ძლიერდება და ეს არის ქვეყნის თავდაცვისუნარიანობის მთავარი ქვაკუთხედი. რადგან ირაკლი ახერხებს წარმატებით, ამ საქმეში მნიშვნელოვანი როლი შეიტანოს თავისი სწორი მენეჯმენტით, ეს არის დასაფასებელი“, – განაცხადა მამუკა მდინარაძემ.