ზურაბ ჯაფარიძე ამბობს, რომ 31 დეკემბრის ღამეს დაბადების დღეს გადაიხდის.
მისი თქმით, 31 დეკემბერს დაბადების დღე აქვს, ხოლო ვინაიდან თბილისში არსად არაფერი ხდება, ხალხს გასართობად მის დაბადების დღეზე ეპატიჟება.
ჯაფარიძე ამბობს, რომ ადგილზე მისულებს დახვდებათ:
KHIDI-ს ადგილობრივი რეზიდენტი, პიონერი დუოს GREENBEAM & LEON წევრი ლეონ ლოლიშვილი სოლო პროექტით Autumn Tree; ქართველი დიჯეი, პროდიუსერი და ლაივ შემსრულებელი გიორგი ჯინჭარაძე, იგივე GENERALI MINERALI; ახალგარდაქართველი დიჯეი და პროდიუსერი, ლეიბლNineTimesNine (999999999)-ის და ლეიბლSCTR წევრი Clinical Hates და ქართველი დიჯეი და პროდიუსერი შაკო ნიჩიპეროვიჩი, ტექნო, ელექტრო და ბრეიქბით ჟღერადობაზე ორიენტირებული პროქტით Krawai, რომლის EP “I just take mdma and go” და ალბომი “Experimental love” დარელიზებულია ფრანგულ ლეიბლზე Super boom records.
“დაბადების დღეზე მოსახვედრად საჭირო პირობების გასაცნობად მომწერეთ ამ გვერდის ინბოქსში და ჩემი მეგობრები გიპასუხებენ.
რადგან მინდა, რომ ბევრნი მესტუმროთ, ყველამ ვეცადოთ დავიცვათ კოვიდპანდემიის პირობებში რეკომენდებული უსაფრთხოების წესები.
გისურვებთ ბედნიერ ახალ წელს და ბევრ ჯანმრთელობას”. – წერია ჯაფარიძის ფეისბუქ ივენთში.
საქართველოში კორონავირუსის პრევენციის მიზნით დაწესებულია შეზღუდვები, მოქმედებს კომენდანტის საათი. გამონაკლისი იქნება 31 დეკემბრის და 6 იანვრის ღამე.