სამხრეთ-აღმოსავლეთ თურქეთში 5 ტერორისტი გაანეიტრალეს, – ამის შესახებ Anadolu ქვეყნის შინაგან საქმეთა სამინისტროზე დაყრდნობით წერს.
თურქეთის შსს არ აკონკრეტებს, რომელ დაჯგუფებას მიეკუთნებოდნენ ტერორისტები, თუმცა, სავარაუდოდ, ისინი ქურთების მუშათა პარტიის (PKK) წევრები არიან. აღმოსავლეთ და სამხრეთ-აღმოსავლეთ თურქეთში სწორედ ამ დაჯგუფების წარმომადგენლები აქტიურობენ.
თურქეთის ხელისუფლება ოფიციალურ განცხადებებში ხშირად იყენებს სიტყვას „განეიტრალება“. ტერმინი ყოველთვის მოკვლას არ გულისხმობს და ვრცელდება ისეთ შემთხვევებზეც, როცა ტერორისტები ბარდებიან ან ძალოვანი უწყების წარმომადგენლები თავად შეიპყრობენ მათ.
კომენტარები