თურქმა მეცნიერებმა გამოიგონეს მოწყობილობა Diagnovir-ი, რომელსაც კორონავირუსის დიაგნოსტიკა 10 წამში შეუძლია. ამის შესახებ ბილკენტის უნივერსიტეტი წერს.
მოწყობილობის მოქმედების პრინციპი დაფუძნებულია არა ნიმუშის რეპლიკაციაზე, არამედ ოპტიკურ მახასიათებლებზე. ტესტირებისთვის გამოიყენება ადამიანის პირის ღრუს ლორწოვანი გარსიდან აღებული ნიმუში, რომელსაც სპეციალურ ნაერთში აზავებენ და ათავსებენ მოწყობილობაში.
ახალმა გამოგონებამ კორონავირუსისგამოვლენის 99 %-იანი ეფექტიანობა აჩვენა.
„ჩვენ გვჯერა, რომ სისტემა ფართოდ იქნება გამოყენებული ჩვენს ქვეყანაში და მსოფლიოში, როგორც ვირუსის სწრაფი და საიმედო გამოვლენის მეთოდი. ამიტომ, ამ ბიოსენსორისსისტემის მასობრივი წარმოებისთვის საჭირო ინფრასტრუქტურული ინვესტიციები უკვე დაწყებულია. გვჯერა, რომ ეს გამოგონება უახლოეს პერიოდში დიდ გავლენას მოახდენს ჩვენს ქვეყანაში და მსოფლიოში“, – აცხადებენ ბილკენტის უნივერსიტეტში.
მათივე ინფორმაციით, მიუხედავად იმისა, რომ სისტემის დანიშნულებაა COVID-19 ვირუსების გამოვლენა, ის შეიძლება გამოყენებულ იქნას სხვადასხვა პათოგენების გამოვლენისთვის მომავალ კვლევებში.