აშშ-ის მოქმედი პრეზიდენტი დონალდ ტრამპი მხარდამჭერებს სიმშვიდისა და სამართალდამცველების მხარდაჭერისკენ მოუწოდებს. ამის შესახებ დონალდ ტრამპმა სოციალურ ქსელ „ტვიტერში“ დაწერა.
„გთხოვთ, მხარი დაუჭირეთ ჩვენი კაპიტოლიუმის პოლიციას და სამართალდამცველებს. ისინი ნამდვილად ჩვენი ქვეყნის მხარეს არიან. დარჩით მშვიდობიანები”, – წერს დონალდ ტრამპი.
შეგახსენებთ, დონალდ ტრამპის მხარდამჭერების ნაწილი კაპიტოლიუმის შენობაში შეიჭრა, სადაც კონგრესის გაერთიანებული სხდომა მიმდინარეობდა. სხდომაზე ამომრჩეველთა კოლეგიის ხმის მიცემის შედეგები უნდა დაემტკიცებინათ.
კომენტარები